राष्ट्रिय भलिबलको उपाधि आर्मीलाई

माघ १४- प्रधानसेनापति दोस्रो राष्ट्रिय पुरुष भलिबल प्रतियोगिताको उपाधि त्रिभुवन आर्मी क्लबले जितेको छ ।

शुक्रबार भएको फाइनलमा अर्को विभागीय टिम नेपाल पुलिसलाई २५-२३, २५-२३ र २५-१७ को सोझो सेटमा हराउँदे आर्मी च्याम्पियन बनेको हो ।

प्रतियोगितामा आर्मी, पुलिस, सशस्त्र प्रहरीका साथै पाँच विकास क्षेत्रका भलिबल टिम सहभागी थिए ।

विजेता टिम आर्मीले ३ लाख नगद हात पारेको छ भने उपविजेता पुलिसले डेढ लाखमा चित्त बुझाएको छ । तेस्रो भएको पश्चिमाञ्चल भलिबल टिमले ७५ हजार रुपैयाँ पाएको छ ।

प्रतियोगिताका सर्वोत्कृष्ट खेलाडी आर्मीका मानबहादुर श्रेष्ठ भए । उनले मोटरसाइकल पुरस्कार पाएका छन् ।

Comments

comments

Read More